Partording ni Ulaon Mamongoti Bagas Sibaganding Tua
I. ACARA PAMUHAI (dipatupa di alaman/di jolo pintu ni jabu)
1. Marende, BE. 3 : 3 “Puji Jahowa, ale tondingku” BL. 137
♫ Martua halak na niondingan ni Debatanta
Jahowa i
Angka na hot marhaporseaon di Jesus
Kristus Tuhanta i
Molo Debata donganmu ndang
adong hurang tuamu, Haleluya ! Haleluya !
2. Mangungkap Pintu
a.
Tukang pasahat hinsu ni bagas tu Parjabu
b.
Parjabu pasahathon hinsu ni bagas tu Pandita/ Parhalado
c. Pandita : Sadarion di na laho manginganhon
bagas na imbaru pinaulimuna on, tapangido ma asa Tuhan i mamasumasu. Sai mian
ma di bagas on dame dohot holong ni roha. Dipaborhat ma hamu sian bagas on
mardongan gogo dohot pos ni roha mangula ulaon na marguna laos ditogihon ma
hamu tu bagas on sian angka ulaonmuna manghalashon saluhut na dapot taula.
Dibaheni huungkap ma bagas on marhite-hite goar ni Debata Ama,
Anak dohot Tondi Parbadia, Amen. (Udut
ma Pengguntingan Pita dohot diungkap pintu ni jabu i laos rap
masuk ma patupa acara kebaktian).
II. ACARA KEBAKTIAN
1. Votum/ Introitus/ Tangiang
(Responsoria)
Uluan : Marhite-hite goar ni Debata Ama, dohot goar ni
AnakNa Tuhan Jesus Kristus, dohot goar ni Tondi Parbadia na manompa langit
dohot tano on dipasaorhon ma dameNa tu tondinta. Amen
Sude : Amen
Uluan : Ahu do hau anggur i, hamu do ranting i. Na
mian dibagasan Ahu, jala Ahu dibagasan Ibana, ima na marparbuehon godang; ai
ndang tarula hamu agia aha, anggo so mardongan Ahu.
Martangiang ma hita : Ale Debata Amanami, hinorhon ni asi
ni rohaM do umbahen boi marudut sude angka ulaon dohot pardalanan ni ngolunami.
Suhut : Dipasupasu Ho do rumatangganami laos diloas
Ho mangula angka ulaon na marragam i gabe dapot hami pansamotan sian angka i.
Sai dongani hami di angka ulaon asa tung sai marudut pambahenannami tu hamajuon
jala lam paltak bogasnami tu joloanon.
Uluan : Saluhut
nasida mangaranap tu Ho, asa lehononMu bohal nasida. Molo dilehon Ho di nasida,
dijomputi nasida, molo dipatedek ho tanganMu, butongannasida di na denggan i.
Sude : Pajonok
hami Tuhan tu jampalan na lomak i, padao bala dohot mara, paunduk roha ni
ianakkon tu natua-tua, laos pasada rohanami na marrumatangga.
Suhut : Diboto Ho do gogo dohot sinadongannami laos
diboto Ho do hagaganda ni saluhutna i. Sungguli hami tu ngolu partondion,
hirpasi hami tu ulaon, panghulingi hami di angka hahurangan. Joloani hami di
angka sieahan laos paihuthon bogas angka naung hupungka hami, asa tolhas sahat
ro di sundut ni na umposo.
Uluan : Naung umpungka ulaon na denggan di bagasan
hamu, patulusonni i do i sahat ro di ari ni Kristus Jesus.
Sude : Amen
2. Marende, BE. 12 : 2 + 8 “Dipuji Rohangkon do Ho” BL. 15
♫ Huboto Ho do mual ni na denggan sasude
Dilehon Ho do sian i godang di hami be
♫ Ima tutu O Debata dilehon Ho sude
Ai Ho do na tongtong basa manumpak jolma i.
3. Tangiang Sian Parjabu/Hasuhuton
4. Marende BE No. 299 : 5 (Debata do manggomgomi) BL. 86
♫ Togu au ale Tuhanku,/ mangihuthon hatami./
Saipature ma langkangku, asa tung hasea i./ Sai ramoti ma au on,/ Asa sonang
rohangkon.
5. Tangiang Sian Hulahula
6. Marende, BE. 160 : 3 “O Tondi Parbadia I,
bongoti” BL. 206
♫ Rajai ma hami sai
tongtong, pasaor tu roha nami on,
Damem O Tuhannami, marhitehite Tondimi, Ingani rohanami be,
huhut patogu hami,
Daoma bada, sian hami, jabunami baen inganan, pardamean
hasonangan.
7.
Tangiang Panimpuli
Uluan : Dibagasan
dame dohot holong ni Jahowa inganhon hamu ma bagas on mardongan las ni roha.
Sude : Sai ditumpak Tuhan i ma angka na niula ni
tanganta; ditangan siamunna dapot hita ganjang ni umur laos di tangan
hambirangna i dapot hita pangomoan natau pasonang roha. Ibana do mata ni ari
binsar na paullophon saluhut na so dapot idaon ni mata.
Uluan : Holong
ni Tuhanta i ma pauduthon bogas naung tapungka. HagogoonNa i ma patukhon hita
mansari; laos TondiNa ima manogunogu jala mangaramoti hita sahat ro di
salelengnilelengna.
Sude : Ale Amanami …
Uluan : Pasupasu
Sude : Amin…Amin…Amin.
Review of Playtech Online Casino Site | Lucky Club
BalasHapusPlaytech's online casino site is powered by Microgaming. Players can play a variety of slots and table luckyclub games online, but the main difference is that this