PARTORDING NI ULAON
DI PARPUNGUAN MANOGOT NI ARI HAHEHEON NI
TUHAN JESUS
(BUHABUHA
IJUK)
Minggu
27 Maret 2016
Siingoton:
Taringot tu hundul
manang jongjong, tapahombar ma i tu inganan. Ra, ndang sai tarpatupa hita rap
jongjong manang rap hundul molo di inganan na so tipak angka hundulan, isara ni
di udean. Alai di inganan na tipak hundulan boi ma taihuthon parhundul manang
parjongjongta, hombar tu acara on.
1.
Marende No. 90: 1-2 Sai marlas ni roha hita BL.17
Sai tapuji Debatanta ale hajolmaon i
Ai naung hehe do
Tuhanta sian hamatean i
Dipasidung Jesus i
ulaonNa sasude
Patupahon haluaon
di saluhut hajolmaon
Anggo
utang ni dosangku digarari Jesus i
I
do haporseaonku di na tinaonNa i
Nunga
tulus patik i, nunga mintop rimas i
Di
na hehe i Ibana ro di au hangoluanna
2.
Votum – Introitus
– Tangiang (Jongjong)
U : Marhitehite goar ni Debata Ama, dohot goar
ni AnakNa Tuhan Jesus Kristus, dohot goar ni Tondi Porbadia na tumompa langit
dohot tano; dipasaor ma dameNa tu tondimuna.
R : Amen!
U : Ida
ma, Debata do hatuaonku. Ibana huhaaposi, jadi ndang mabiar ahu, ai Tuhan Jahowa do hagogoonku jala pujionku do
na manadi hatuaon di ahu.
R : Pinuji
ma Debata Ama ni Tuhanta Jesus Kristus, na tumubuhon hita paduahalihon sian
godang ni asi ni rohaNa tu pangkirimon na mangolu marhitehite haheheon ni Tuhan
Jesus Kristus sian na mate.
U : Nunga
hehe Tuhan i, nunga tutu hehe Ibana. Ari on do najinadihon ni Jahowa,
marolopolop jala marlas ni roha ma hita disi. Batu naung binolongkon ni angka
pende bagas, i ma gabe batu parsuhi. Pinamasa ni Jahowa do i, halongangan do i
anggo di matanta.
R : (Mangendehon)
BE. 96 Nunga talu hamatean (Holan
Reff)BL.101
Haleluya, haleluya nunga hehe Jesus i
Haleluya, haleluya, nunga
hehe Jesus i
U : Unang
ho mabiar, Ahu do bonana dohot ujungna. Na mangolu do jala naung mate do Ahu
najolo, jala ida ma, Ahu do na mangolu ro di saleleng ni lelengna, jala diAhu
do anakhinsu ni banua toru dohot hamatean.
R : (Mangendehon)
BE. No. 96:1 Nunga talu Hamatean BL. 101
Nunga talu hamatean
dibaen Tuhan Jesus i
Ai naung hehe do
Ibana songon nanidokNa i
Haleluya, haleluya
nunga hehe Jesus i
Haleluya,
haleluya nunga hehe Jesus i
U : Martangiang
ma hita. Ale Tuhan Jesus Kristus naung hehe sian hamatean. Nunga ditaluhon Ho
sorop ni hamatean i. Ndang tartiopi banuatoru Ho. Ai Ho do Tuhan ni na mangolu
dohot na mate. Gahi ma las ni rohanami asa partohap hami di haheheonMi.
Marsangap ma goarMu, sadarion, ro di saleleng ni lelengna, Amen !
3.
Marende No. 92: 1,
5 Puji ma namanaluhon BL.178
Puji ma namanaluhon dosa hamatean i
Puji ma na
Pangoluhon saluhut pardosa i
Jesus na dung mate
I, las roham o huriana
Ala na mamillit ho,
Jesus I mangolu do
Tu tanoman
si Maria paturehon bangkeMi
Tung
beha ma di rohana dung dibege hataMi
Dohot
mangalusi i? Au pe idaonku sogot
Ho
di hasangaponMi, Ho, o Jesus Tuhanki
4.
Epistel:
Mateus 28: 1-10
U : Epistel
di hita i ma natarsurat di Mateus 28 : 1-10, Marsorinsoorin ma hita manjaha;
Alai di buhabuha ijuk, di ari
parjolo dung salpu Sabbat i, ro ma si Maria Magdalena dohot si Maria na sada
maningkir tanoman i.
R : Alai nunga masa lalo na gogo. Ai tuat do
surusuruan ni Tuhan sian banua ginjang; jala dung sahat, digulang ma batu i,
laos hundul diatasna.
U : Alai
songon hilap do rupana idaon, saksak do ulosna songon hapur.
R : Jadi
angka dotdot ma parjaga i dibahen biar ni rohanasida, hira na mate do.
U : Alai
ninna surusuruan i ma mandok parompuan i: Unang hamu mabiar, ai huboto, dilului
hamu do Jesus, naung diparsilangkon.
R : Ndang
dison Ibana. Ai nunga hehe Ibana, songon na nidokna hian. Pajonok hamu ma; ida
hamu ma inganan hapeahanna i!
U : Hatop
ma hamu laho tu angka siseanna i paboahon, naung hehe Ibana sian na mate, jadi
joloananna do hamu tu Galilea, disi ma idaonmuna Ibana; nunga hupaboa i tu
hamu.
R : Dung
i hatop ma nasida laho sian tanoman i, mabiar huhut las situtu rohanasida;
marlojong do nasida laho mamaritahonsa tu angka siseanna.
U : Disi
ma ro Jesus mandapothon nasida, ninna ma: Dame ma di hamu! Dung i dipajonok
nasida ma, dihaol ma patna, huhut manungkap tu jolona.
R : Jadi
didok Jesus ma tu nasida: Unang hamu mabiar, laho ma hamu mandokkon angka
anggingku tu Galilea, disi ma idaonnasida Ahu!.
U : I
do sahatna. Martua ma natumangihon Hata ni Debata jala na umpeopsa. Amen.
5.
Marende No. 89:
1,4 Ate Didia soropmi BL. 130
Ate
didia soropmi nuaeng o hamatean
Didia
hamonaganmi nuaeng banua toru
Na talu do hamu
sude, na talu do sibolis pe
Ai ditaluhon Jesus
Mangolu
do Tuhanta i na hehe do Ibana
Ditaiti
do ruasNa i mangihut tu Ibana
Ndang
tinggal di tanoman i saluhut na porsea i
Di
hata ni Tuhanta
6.
Jamita : Ulaon ni
Apostel 2 : 31-32
7.
Marende No.
633:1-2
Nunga hehe Kristus
i, haleluya
Sian hamatean i
haleluya
Parlangitan jouhon
ma, haleluya
Tano on alusi ma
haleluya
Singkop
panghophopNa i, haleluya
Gok
hamonganNa i, haleluya
Sondang
haluaon i, haleluya
Patiur
dalanta i, haleluya
8.
Parsuruon
U : Antong,
las ma rohanta ala naung monang do Tuhanta i. nunga talu be hamatean i jala
mago do soropna i ala haheheonNa i.
R : Sangap
ma di Tuhan i, pujionku ma goarNa na mambahen hamonanganta.
U : Puji
ma Ibana jala unang be ganggu rohamuna, nunga tutu hehe Ibana jala sai na hehe
do luhutna ala huasoNa na sun gogo i. Martangiang ma hita: Ale Tuhan Jesus
Tuhannami! Na mandok mauliate do hami tu Ho, ala ditaluhon Ho do dosa dohot
hamatean marhitehite hamamateMi. Ala disondangi Ho tanomannami, asa
marpangkirimon na mangolu hami ala ni haheheonMi. Ndang pola be mabiar hami
mida hamatean, ai Ho do ulunami, ruasMu doo hami. Dipaunsat Ho do hami sian
haholomon tu hatiuron, sian hamatean tu hangoluan. Aantong pargogoi ma hami
mamuji dohot mangoloi Ho ariari, pasangaphon Ho di bagasan haporseaon na
mangolu, paima sahat hami tu lambungMu. Amen. Rap mandok ma hita di tangiang
Ale Amanami.
U+R : Ale
Amanami na di banua ginjang………….Amen
U : Tangiang
Pasupasu.
R : (Mangendehon)
Amen...Amen...Amen...!
Tidak ada komentar:
Posting Komentar